يا .. صـ .. ـا .. حـ .. ـبـ .. ـي

ياصـاحبي الدنيـا حكـايـات وعلـوم ..

قـصص عجيبـة تـذهـل اللـي قـراهـا..

الـدنيـا لـو تضحـك معـك دايـم الـدوم..

خـلك فطيـن ولايهمـك رضـاهـا

كـم واحـد تبنـى لـه آمـال وحــلوم..

يفنـى وغيـره يهتنـي في بنـاهـا..

يـامـا فـرحت قـوم وأحـزنت قـوم..

وكـم أعشقـت عيـن وخـانـت غـلاها..

يـا صـاحبي شـف أمـس شـف حـالنا اليـوم..

دنيـا تقلـب يكفـي اللـه بـلاهـا ...

اليـوم لامنـه بغـت عينـي النــوم ..

تنكـدت روحـي وعـافت كـراها ..

مـا كـل مـن علـى بالأصـوات مفهـوم ..

ومـاكـل روح تلتقـي فـي منـاها ..

ومـاكـل مـن يشكـي معـذب ومحـروم ..

ومـاكـل مـن يضحـك همـومه نسـاها ..

بحـر الحيـاة إن صـرت ما تعـرف العـوم ..

يرميـك فـي غبـة بعيـدة مـداهـا ..

مـن راح يستسـلم مـن أحـزان وهمـوم ..

يمــــــــــوت وحـاجتـه ما قضـاها ...

واجـه هبــوب الوقــت بإيمــان وعـــزووم ..

لا بـد مـا ربـك يهـدي هـواهـا ..

وأصبــر اذا شمسـك حجـب نـورهـا غيـوم ..

الغيــــم يتفــرق ويشــرق سنــاهــا ....